電波討論區

電波討論區: 釣點交流: 本地釣點交流: 釣點交流 (23)

Subtopic

Msgs

Last Updated

Admin	2003 年 12月 14 日 - 下午 01 時 13 分 ☆希望各位釣友可以提供一 D 釣點比各網友. 最好提供前往路線 , 時間 , 郊通工具 ,車 / 船費..... ☆本討論區是給予各釣友聯誼及討論技術之用，如發現任何人發表其人身攻擊、批鬥、淫穢及不雅等字句，本網場子有權刪除而不作出通知，不得異議！ ☆留言者的言論只屬其個人意見，其言論與本網立場無關！ ☆討論區內容未經本網授權 , 任何人仕不得轉載！ ☆本網熱烈歡迎各位釣友加入電波釣友的大家庭！
第一	2003 年 12月 14 日 - 下午 07 時 31 分第一
鋒	2003 年 12月 14 日 - 下午 08 時 06 分 222222
烏龍	2003 年 12月 14 日 - 下午 08 時 37 分生啦．．．．．．．．．
志偉	2003 年 12月 14 日 - 下午 11 時 25 分 No 4444444444444
伍小姐	2003 年 12月 14 日 - 下午 11 時 35 分唔好啦.... 暖d先通頂,深灣起章紅.
小磯	2003 年 12月 16 日 - 下午 03 時 16 分唔好意思, 我在貴網內查看到去糧船洲的街渡, 但我想請問: 上船後要行到那裡才有好釣點呢? 謝謝指教。
goodgood	2003 年 12月 20 日 - 上午 12 時 02 分請問有冇人去過鹹田釣魚? 可以介紹一下嗎~?
crab	2003 年 12月 20 日 - 上午 11 時 40 分想請問???咁凍邊度有魚釣????
崩牙KEN	2003 年 12月 20 日 - 上午 11 時 43 分蟹: 上漁排呀不如？我尋晚聽個FRIEND講，漁排有景喎！
年青人	2003 年 12月 21 日 - 上午 03 時 19 分各為前輩... 我住係天水圍.... 有車.....有邊個釣點好去呀... thx
領航燈	2003 年 12月 21 日 - 上午 09 時 50 分年青人; 你是什麼釣法,磯,投,筏,台....重磯,南油. 但現時太凍,真係無乜好釣點提議到俾你. 東水釣赤立,西水釣花鱸是時侯.
年青人	2003 年 12月 21 日 - 下午 02 時 07 分投釣..磯釣.......... 咩叫東水,,咩叩西水呀??? THX
Mo	2003 年 12月 21 日 - 下午 02 時 22 分年青人：東水=香港東面水域(大埔、西貢一帶) 西水=香港西面水域(屯門、大嶼山一帶)
crab	2003 年 12月 23 日 - 下午 01 時 13 分花尾上次弓洲個位好大,可惜釣左陣冇乜大魚, 我係測魚機測到有20幾尺,同30幾尺水o既排位, 係邊度多Ｄ大魚??我遲又去架啦。
kan	2003 年 12月 24 日 - 上午 11 時 45 分年青人: 落元朗坐出kowloon小巴到青山公路沿途都有釣位
......................	2003 年 12月 29 日 - 下午 01 時 32 分我想問將軍澳有咩正位呀? 可否提供一下呢?
年青人	2003 年 12月 29 日 - 下午 05 時 14 分 thank you,,,,大家比左d意見我呀,, 我最終都係去左龍灘入d,,, 但太大浪喇,,,食白果呀,,, 但我發�{左個好神秘既地方,,唔知有冇人去過呢, 有既話,可唔可以講下裡面既情況比我知呀,, 果d係經龍灘條路直入到尾,,,去左最尾既路口轉左,,, 有一個好古怪既樹林,穿過左之後有條路話去間廟,, 但,因為大恐怖,so 冇入到呀,, 近排想去魚排釣魚呀,,各前輩有冇好介紹呀,, 我住天水圍架,,最係近d可以去啦,,haha...
星星大法師	2003 年 12月 29 日 - 下午 05 時 43 分年青人:: 個度咪係傳說中既煤灰湖囉.... 好多人係個度釣魚架.... 放心啦...直入....見路就行啦~~~~
年青人	2003 年 12月 29 日 - 下午 06 時 53 分星星大法師:: 係掛,,,因為係煤灰湖門口,,有係到,,唔知入唔入到去,,, 所以我就走左去煤灰湖門口既左邊路口,,, 再經過左一個古怪樹林,,,就有兩個路口,,,咁,,,應該行邊個呀,,
星星大法師	2003 年 12月 29 日 - 下午 07 時 07 分年青人:: 揸車入森林.... 到左...古老大廟...搵位泊車.... 再行入去...見路就行啦...好易搵架~~~~
牛	2003 年 12月 31 日 - 上午 12 時 46 分年青人煤灰湖係屯門釣魚熱點米以為好辟, 多起人上黎, 幾隊足球隊咁多人都有, 我都好耐無去唔知依家重有無大牛屎釣???
YCC	2003 年 12月 31 日 - 下午 05 時 16 分請問有冇人由青龍頭碼頭搭街渡過去青州、打水及蔭澳釣魚嗎？
KURISU	2004 年 1月 1 日 - 上午 11 時 19 分請問現在還有路去嘉頓石博嗎? 在深慈街入還是另外有路?
年青人	2004 年 1月 2 日 - 下午 09 時 54 分 KURISU: 嘉頓後面既石博好似冇左喇,,, 但嘉頓隔離個屋遠後面有個釣魚位架,,, 係嘉頓條馬路正入,,又有車位,,, 但,,,果度係填海之後都冇嘜境,,,,
年青人	2004 年 1月 2 日 - 下午 09 時 59 分咁係去煤灰湖釣,,,,用咩釣法呀,,, 果度d水深唔深架.. p.s.咁如果入左去轉左係間廟,,,,咁之前過左樹林,右邊個路口去邊架,,
年青人	2004 年 1月 2 日 - 下午 10 時 18 分個釣點打誘餌得唔得,,???
岡人新丁	2004 年 1月 4 日 - 下午 12 時 07 分請問龍蝦灣最入個石灘係咪仲有好多狗呢?
老野	2004 年 1月 5 日 - 下午 10 時 20 分年青人.. 諗住釣立都係打誘餌好dd.. 吾係就齋青蟲都ok~
dragon	2004 年 1月 5 日 - 下午 10 時 21 分請問將軍澳有乜好釣點?
kan	2004 年 1月 6 日 - 下午 12 時 29 分年青人: 今期 "余落"雜誌有介紹煤灰湖釣點. (唔好幫本雜誌賣廣告啦!!)
年青人	2004 年 1月 6 日 - 下午 05 時 35 分 kan: 我知呀,,haha,,,, 不過都差少少,,,我前幾日去左,, 但勁大流呀,,, 食白果.....
Xxx	2004 年 1月 7 日 - 下午 03 時 27 分 dragon: 將軍澳釣點真係好有限，魚穫更加無乜保證… 1.照鏡灣一帶，在維景灣畔行出去，沿山邊行到盡頭…… 2.香港氧氣對出排水囗& 地鐵車廠出面…… 3.坑口碼頭仔對出咀囗嘅拓展署碼頭，呢個釣點可以自己行出去或俾廿皮叫煩海車你出去。 4.坑囗碼頭仔行到最出咀囗 5.魔鬼山 6.消波樁 7.佛堂州後面，填緊海玩唔過… 8.鐵參洲觀仔一帶，磯釣就唔錯……
dragon	2004 年 1月 7 日 - 下午 06 時 40 分 Xxx: 咁工業村入面呢? 唔該晒你~~^^
年青人	2004 年 1月 7 日 - 下午 07 時 23 分 dragon : 我早排就去左工業村後面,,係電視城旁果度,,, 但都係冇嘜境...
dragon	2004 年 1月 7 日 - 下午 09 時 41 分年青人: 仲以為o個度會唔錯tim~~ 水深又清~
Devil	2004 年 1月 7 日 - 下午 11 時 28 分各位唔使研究啦!! 依我架單車明查暗訪(即係睇又唔釣), 架單車話比我知, 佢問十個人有十個答無魚架!! 都仲要早午晚有人於電視城旁、魔鬼山、佛堂州至大廟落網, 釣鑊可想而知~~~~~~~~
Devil	2004 年 1月 7 日 - 下午 11 時 30 分漏咗.......坑口碼頭都落網呀!陰公!!!!!!!
Tiger	2004 年 1月 8 日 - 下午 06 時 33 分 666: 魔鬼山、佛堂州至大廟沿岸海床都有啲爛網.....玩岸釣打沈底嘅九成無運行！
年青人	2004 年 1月 8 日 - 下午 09 時 29 分我近果幾個星期,,, 係青馬橋同附近成日都有二三十隻船聚集釣魚,, 究竟玩緊d咩呀? 我都想參與呀,,
巴西龜	2004 年 1月 8 日 - 下午 09 時 37 分咁多艇去得青馬橋底，應該係有大馬友出現，閒閒0地幾斤一條，大0既十幾廿斤都有，不過釣馬友成日都要走鬼，釣全日八粒鐘，實際釣0既時間只有一半約四個鐘，同埋釣馬友要用靚生餌，大圍蝦同中海蝦或大海蝦都唔少得
Xxx	2004 年 1月 8 日 - 下午 09 時 38 分年青人: 釣Ｄ十幾廿斤嘅馬友友………
年青人	2004 年 1月 9 日 - 上午 12 時 14 分哈哈,,又係我喇,, 咁如果我都想玩下,,, 可以點呀..
雙兒	2004 年 1月 9 日 - 上午 12 時 52 分致：年青人青龍頭出艇！行動最實際。
年青人	2004 年 1月 9 日 - 下午 09 時 03 分幾錢呀? 要幾點出發呀? 有冇相熟既船家呀?
年青人	2004 年 1月 10 日 - 下午 11 時 27 分有到星期日,唔洗返學, 依個星期日想去屯門英泥廠果度釣,, 各位前輩有冇果到D料醒比我呀,
hi	2004 年 1月 14 日 - 下午 09 時 35 分呢排赤鱲角有無料呀？？
hi	2004 年 1月 14 日 - 下午 09 時 36 分赤立角
wong	2004 年 1月 16 日 - 下午 06 時 20 分請問去三門仔釣魚排有什麼魚排介紹?
阿輝	2004 年 1月 19 日 - 下午 12 時 39 分請問大尾督多唔多大魚釣？用咩釣法釣法釣呢？
志偉	2004 年 1月 19 日 - 下午 12 時 44 分阿輝咸水定淡水先???
傑	2004 年 1月 19 日 - 下午 03 時 38 分請問各位鴨仔坑搬左去邊? 好想去(鴨仔坑) 又平又多魚的地點
阿輝	2004 年 1月 19 日 - 下午 10 時 18 分志偉：我最想釣就係咸水魚，但係釣過咁多年，都未曾在裡釣過大魚，次次都失望而回。我想知道是否要出船釣，才釣到大魚呢？我試過左出面及入面個碼頭度釣過，但係都無魚。在那才有魚呢？淡水魚我都試過釣過，成十年前試過在淡水湖岸路營釣魚，都有一些魚獲，幾開心。
雙兒	2004 年 1月 19 日 - 下午 11 時 48 分致：阿輝以我所知大尾督是有魚釣的，請問你心目中的大魚是什麼及有幾大的？唔一定是船釣才釣到大魚。請問你住邊區？等你定出目標先。我再介紹好位及魚餌。
阿輝	2004 年 1月 20 日 - 上午 12 時 22 分雙兒：多謝你的回應！在我心目中，釣到重一斤多既魚己經好開心……都可算是大魚。我最希望就釣到石班和立魚，不知可否在岸邊釣到呢？你是否經常到大尾督釣魚呢？我是住在元朗的，有時候一個人心血來潮，就會渣車去釣。我都釣到心灰己冷了…哈哈，希望雙兒兄指點迷津。
志偉	2004 年 1月 20 日 - 上午 02 時 03 分阿輝講真一句,我覺得釣魚係七分運氣三分技術,而且港內經常落網,釣到一條過斤的魚好比中(7-1)合彩了!我釣左成年魚,都只係試過中條過斤的(唔計收費塘)!如你真係想釣大魚的話,出多D西貢的外海,機會率會較高!又或者你頂得風浪的話,可以出南海油田,必定有好多過斤甚至過百斤的魚等你釣!
蛙人	2004 年 1月 20 日 - 上午 02 時 14 分依家岩季,想岸邊釣條過斤立魚,都唔係太難既只要搵岩地方,再加d運氣就得架哪~ ^^
雙兒	2004 年 1月 20 日 - 上午 03 時 59 分致：阿輝大尾督水上活動中心左手邊有景！黑沙立舊年有過斤！直入是長石斜壆，好長。不過最好做磯佬。希望你願望成真！現時都仲有立釣。有車你可去小攬、黃金海岸、內河碼頭、稔灣及煤炭湖。都是好釣點！有車仲有可以去科學園，車停在地盆門口。走二步致：志偉我舊年落快艇都做唔到西友啦！鞋
阿輝	2004 年 1月 20 日 - 上午 09 時 51 分志偉：你講得0岩，在釣魚中，運氣所佔的比重較大，所以我覺得自己釣魚是無運。不過我仍視釣魚為樂趣！西貢在我心目中是個多魚釣的地方，那可能是我日後的浦點，哈哈。上年十一月，我渣車與朋友到西貢釣魚，本打算入黃石碼頭，但去到北潭涌，竟然發覺是禁區，不準私家車進入……我興朋友當埸感到掃興。之後再出去市中心那個碼頭釣，看見幾條大魚游來游去，但對我們的蝦一點興趣都沒有。當時覺得若釣不到魚回家就沒有意思來西貢，就打算租艇出海釣，但十分貴，下午三點至六點，四人收費是$400。當時是星期日，可能會比較貴吧。最後我們都沒有出艇。
阿輝	2004 年 1月 20 日 - 上午 09 時 58 分蛙人：請問為甚麼在寒冷的季節，立魚會靠岸邊呢？要用幾多尺長的魚竿才釣到呢？我支魚竿不到十尺，你覺得會釣到嗎？
阿輝	2004 年 1月 20 日 - 上午 10 時 08 分雙兒：多謝指點！希望過年後可以去試一試！請問釣立魚是否一定要用蝦呢？通常在街市買到的基圍蝦都頗大隻 ($15-$18 o個種)，立魚可以將成隻蝦吞下嗎 (我指斤多重o個種)？磯竿跟普通的魚竿有甚麼分別呢？印像中磯竿一般都貴。甚應又是LB"搞"呢？跟普通的有何分別？有機會真的要跟各位出戰學習！^^
Xxx	2004 年 1月 20 日 - 下午 12 時 01 分阿輝: 大尾篤水霸邊都有好多魚釣下，不過水濺要拋出Ｄ… 其實有車就唔一定大尾篤丫……大把地方釣啦……
老野	2004 年 1月 20 日 - 下午 12 時 34 分宜家係d黑立的當造期...吾係話一定有.. 但食得埋黎一兩斤都實屬正常..打誘餌磯釣會大機會d..其次磯釣用青蟲都可以 ..上魚排又得..搵到合適地方..揀o岩靚流水...只要肯嘗試..繼續努力..一斤立離你不遠了~
KAN	2004 年 1月 20 日 - 下午 12 時 42 分年青人: 船釣貴到震,咪玩.最好三兩蚊死蝦釣到大鱼(得的話).真係要做老襯可到青龍頭XX鱼餌有艇家介紹(SORRY 又賣告廣告),比番一毫子廣告費啦.
志偉	2004 年 1月 20 日 - 下午 01 時 33 分阿輝西貢出艇係貴左D,平均每人要300幾元,但勝在D艇家識排位,隨時有意外的收獲,你睇下我地D舊相,有好多網友都試過西貢出艇爆釣而回,最記得我第一次西貢出艇(夏天),雖然冇釣到大魚,但係釣大石狗和斑仔(半斤左右的靑斑同芝麻斑),就有十幾二十斤了!自此我就非常喜歡西貢艇釣,但入冬後吹強勁的東北風,而家出面大風大浪,本人實在頂唔住,維有等待夏天的來臨先再西貢出艇!
蛙人	2004 年 1月 20 日 - 下午 02 時 47 分輝寒冷的季節點解立魚靠岸哩個問題我就唔識答哪哩d係d前輩話我知既,靠岸產卵呀! 至於魚竿就唔係話幾長至釣到既,係睇下你係咩地方同埋用咩釣法釣囉. 如果魚排上面玩筏釣就短d囉(幾長我就唔知lu,我冇玩筏仔架^^) 如果魚排上面玩排磯就長d囉,15尺ok啦如果石駁邊玩磯釣哩就再長d囉,通常都係18尺既^^
湯咪	2004 年 1月 20 日 - 下午 06 時 17 分蛙人幾時帶我去釣下d斤零立仔呀?
蛙人	2004 年 1月 20 日 - 下午 09 時 44 分湯米哥你玩我咩~斤拎野你屋企附近大把啦~ 你幾時帶我去玩下就真啦~~ 我要斤拎牛屎仔呀~~~~~~哈哈 thx ^^
蛙人	2004 年 1月 20 日 - 下午 09 時 46 分呀~湯米哥仲有呀如果你唔怕遠既,好似我哩d初學者~ 最好就緊係去初學園啦,黎唔黎呀??嘿嘿
湯咪	2004 年 1月 20 日 - 下午 10 時 05 分蛙人, 我近排都好少係我屋企附近釣魚,上年全年釣魚都唔超過十次, 不過收到風今年好少牛屎釣倒. 我上星期日先去完初學園釣,淋左成半日雨,釣倒條大水魚..哈哈... 好很凍,真係好很凍.你幾時再去呀?
蛙人	2004 年 1月 20 日 - 下午 10 時 57 分湯米哥我今年剩係係機場中過一條牛屎仔咋.唉今年d牛屎都唔知去晒邊~~~ 我都成個月冇去初學園囉可能初3去啦~
阿輝	2004 年 1月 21 日 - 上午 12 時 13 分 Xxx：哈哈…我可以話係大鄉理黎嫁，去過好少地方。日後希望有機會跟你地去不同地方釣魚。
阿輝	2004 年 1月 21 日 - 上午 12 時 17 分老野：打誘餌其實是怎樣的？是否混合多種材料打成糊形態的魚餌？會不會食飽後不會吃真餌？怎樣觀察靚流水呢？請指教，謝謝！
阿輝	2004 年 1月 21 日 - 上午 12 時 23 分 KAN：是否有些魚例如魚腳立，要用生蝦不可？
阿輝	2004 年 1月 21 日 - 上午 12 時 27 分志偉：係呀，我有睇到你地d舊相，真係好正呀！有機會真係好想出西貢艇釣呀~~ 我又想問，如果我想而嫁咁凍既天氣，出艇有無魚釣呢？同埋會唔會平d呢？
Xxx	2004 年 1月 21 日 - 上午 01 時 28 分阿輝: 過左年出例會約下腳啦，大把臭（爛釣）腳等緊你…… 呵~~~~~~~~~~~
阿輝	2004 年 1月 21 日 - 上午 01 時 41 分蛙人：我想問用一支磯竿可唔可走天崖呢？我見人地玩釣魚0個d，真係好專業咁，擁有多支魚竿，不同環境又用不問既竿。我真係諗唔明有咩大分別…可能真係用過先至會清楚。
阿輝	2004 年 1月 21 日 - 上午 01 時 44 分請問初學院晌邊度黎嫁，各位？
屈	2004 年 1月 21 日 - 上午 02 時 06 分阿輝: 唔好怪我直，我知道你真係一個新手，好多嘢想知，好多嘢想問，但我提議你由最基本開始認識先，出黎例會，識多幾個釣友，跟人去玩幾次，乜都試吓，冇傢餐唔緊要，大部份釣友都會有多套借俾你，一路玩一路問，問完再思考吓，點都有益有建設性過日日坐喺度問啦。有某OSF講過，講一百篇理論不如釣一次魚，你話係唔係?
阿輝	2004 年 1月 21 日 - 上午 03 時 12 分屈兄：哈哈…多謝你既建議~鬼叫你地既會規係要人地多吹水先受人玩咩…哈哈我盡量會出席你地既例會，聽聽大家既心得。至於實淺去釣魚，我真係好想快d，因為我都好耐未釣過魚了…但係又就必配合到你地既時間。不過我會盡量去釣，跟你地學下野。
蛙人	2004 年 1月 21 日 - 上午 03 時 26 分輝兄一支磯竿走天岸?要睇下你個天岸由邊到邊囉~哈哈~講下笑咋 ^^ 其實都得架,我頭一年玩都係一支竿玩晒買支大號數d既咪得囉不過你諗下如果你釣港內中d斤頭既魚,用支2,3號咁硬既竿冇乜手感嘛,直頭強姦條魚啦!! 所以我覺得初初玩買號半竿就最好哪~ 另．．．初學園響馬尿水呀
痴d	2004 年 1月 21 日 - 上午 08 時 37 分老屈你又教人係礁石上反思丫? 哈哈哈
痴d	2004 年 1月 21 日 - 上午 08 時 40 分阿輝你0既問題其實係一個好大topic, 唔係三兩千字可以解釋到, 規矩係要吹水, 不過...去例會吹都係範圍之列..呵呵
湯咪	2004 年 1月 21 日 - 上午 09 時 27 分蛙人我上年都係釣得一條半斤牛屎仔,唔知點解咁少! 初三我睇下有冇胸先,到時再call你,ok?
湯咪	2004 年 1月 21 日 - 上午 09 時 31 分輝兄我都係得一枝號半竿玩,係港內玩冇問題.
老野	2004 年 1月 21 日 - 上午 09 時 48 分輝... 大家都講得o岩..只係紙上談兵吾係好方法黎.. 因為大家講左你都可能吾明或者無概念..都吾知其實講緊乜..多d去老例..跟佢地去釣多幾次.. 好快上手了...有左d基本智識..就可以努力啦.. 老野都吾係好識釣魚架..一味靠運氣同埋勤力.. 肯比心機..勤力d去多幾次..點吾識都好啦..總會撞到條傻魚掛...嘿嘿..到你中得幾次..你自然會有一些體會了~~ 宜家係好時機黎..立魚當造..你係堅就好快d開始行動..吾係條斤頭立又會越游越遠了~~
蛙人	2004 年 1月 21 日 - 上午 10 時 57 分嘩~~叔公老野,你真係嫌得緊要喎,哈哈你都叫做唔識釣魚????靠運氣係我強項喎~~~ 你唔好釣晒我d魚呀!攪到我運都冇得行呀~嘿嘿!! 話時話,你幾時帶我去玩0者~~~~~~
老野	2004 年 1月 21 日 - 上午 11 時 03 分蛙人.. 咪癲啦..叔公出名靠運先有魚釣o既.. 釣埋釣埋咪又係d魚仔..搵條大d睇下都無...唉~~ 我都想一晚斷十幾口呀...不過無咁好命水咋....呵呵~~~~~
蛙人	2004 年 1月 21 日 - 下午 12 時 30 分叔公.... 串我?.......@$%^@$!%*$!$^&! >=(
雙兒	2004 年 1月 21 日 - 下午 05 時 14 分致：老野 ↑↑ 排隊都未夠我老啦！我成壹點六擔！好老啦！哈哈.................. 你成日話唔識釣魚，我夠唔多識釣啦，但是你有三分技術！我連一分運氣都冇呢！嗚嗚........................六星期出六次艇連一條半磅重魚都未起過。你伸有埋勤力，我連勤力都釣唔到魚丫！再喊三聲，嗚嗚嗚........................ 嗚........................ 我真是好羨慕你，仲有T.O.及密梨
星星大法師	2004 年 1月 21 日 - 下午 05 時 26 分雙兒&老野:: 呢個咩世界呀..... 個個都爭住話自己唔識..... 唔通d魚真係咁難釣?????
老柴	2004 年 1月 21 日 - 下午 10 時 44 分講一句中肯說話,撞斤頭魚的確係船釣比較高dd;拉扯計出外海釣多數都有一條半條斤頭魚番既,幾斤重既粗野當然可遇而不可求。運氣方面固然重要啦,條魚唔食你餌就點叻都冇鬼用,有d人係靈舍[野]魚嫁,的大魚專食佢餌;唯有以勤力補運氣之不足啦,出多幾出梗有次掂格。你見人地成日有大野釣,人地去得幾密你唔知姊!重有白果既又唔講,又唔.....。不過有一樣就真的唔係講運氣..就係當五,六斤魚撞到鉤尖時,你果副8磅,10磅絲有冇本事收倒條魚上黎!!就等同捉到鹿脫唔脫到角,勾到粗野亦未必實上到水。
雙兒	2004 年 1月 22 日 - 上午 12 時 52 分 To : Man 是丫！你有眼看仲有份釣！我是咪魚毛都冇條先！仲要又暈又冷！可憐.............
雙兒	2004 年 1月 22 日 - 上午 01 時 04 分致：老柴對我來講用幾多磅絲去對付幾大條魚唔是我所注意的。我所在意是我能用六磅絲去對付的魚到底可以是幾大？比例上我最大條魚是用四磅絲上水的！嗚嗚.................. 唔知仲有冇機會響比例上破紀錄。是我的追求！我並不在乎鹿角！哈哈...................
阿輝	2004 年 1月 22 日 - 上午 01 時 41 分各位高手咁歉虛，小弟真係敬佩萬分！
老柴	2004 年 1月 22 日 - 下午 12 時 11 分高手一般都不會用過粗絲作釣,出艇多數6~10磅居多;用開四磅絲肯定高手無疑又不在乎脫角,用直勾重好啦......哈哈哈.....
老野	2004 年 1月 22 日 - 下午 12 時 28 分雙兒.. 我邊有三分技術咁多...咁多咪一分...跟住七份運氣.. 兩份勤力.......呵呵~~~~~ 我宜家都無以前咁勤力啦...所以釣少左好多了..以前一星期釣幾次..宜家最多一星期一次咋.....嗯嗯~~~ 老柴... 我就咁睇...撞斤頭魚..睇下想撞乜魚啦...同埋都要睇時間性..如果好似宜家咁..想釣黑立..磯釣或者上排都未必差得過艇釣...釣烏頭就梗係上排仲好啦...但如果要釣斑釣大鱸咁...就梗係艇釣好d了....^^ 好似小弟我咁..十二月到宜家都係上排多..之前釣立魚.. 上星期就釣烏頭...係得一次釣立衰左食白果..其餘次次都幾好彩有幾條魚仔拉下......^^
fisherman	2004 年 1月 22 日 - 下午 05 時 50 分其實有個最簡單方法,最清楚就去釣獲report,電波新聞,網站公布睇下咪知羅。
一釣客	2004 年 1月 22 日 - 下午 11 時 36 分我就認為撞白毛,黑毛,牛廣,老泥烏頭等磯釣或岸釣較容易;其他如石斑,赤立,細鱗,牙點,紅魚,馬友,白立鱸魚等就船釣比較易撞的。又或者諗諗賣魚既職業釣手多數會船釣定岸釣,平均而言我都覺得船釣撞斤頭魚有機會高小小。
nl	2004 年 1月 23 日 - 上午 01 時 11 分老野兄, 請問你認為邊區的魚排收獲比較有保證呢?(沙頭角,三門仔,榕樹澳,深灣仔?)
老野	2004 年 1月 23 日 - 下午 12 時 28 分 nl... d魚成走黎走去...呢樣真係話吾埋..除左深灣仔我極少去之外..另外三處我近排都有去過..釣況都好平均. 都係有多少的..但都係食流水..可以一試~~~~~~~~~~
十九野	2004 年 1月 24 日 - 上午 01 時 16 分雙兒, 死老o野 : 我釣沉底廿多年, 斤頭魚無數........ 唔計淡水, 兩o野以上, 海魚好似好 "糠" (好似兩隻手數哂)........ 淡水o野, 兩三斤手到拿來, 不過海魚粗(o野)兒, (最粗好似得o個三o野咋)就真係好少好少....... 有乜計????????? 先決條件, 我冇乜時間釣魚......... 一個月釣半次左右喇......... 哈哈..........
老野	2004 年 1月 25 日 - 上午 09 時 22 分十九野.. 有乜計???????? 最簡單出南油啦..雞都兩三野一件.. 隨時又有大咪野食埋黎...店~
十九野	2004 年 1月 25 日 - 下午 04 時 40 分老o野呀...... 不如好似條蛇咁喇....... 去馬耳袋膚重好呀........ 唔o岩又可以學o下隻私雞....... 去食o下馬拉雞...... 嘿嘿........
痴d	2004 年 1月 25 日 - 下午 06 時 18 分 19笑好似呢幾年都冇聽過你上斤頭喎呵呵呵
十九少	2004 年 1月 26 日 - 下午 07 時 50 分痴d : 咁三幾條都有o既......... 你收唔到風o者....... 哈哈哈............
痴d	2004 年 1月 27 日 - 上午 09 時 34 分 19笑 3幾條乜呀? 斤頭土鯪? 哈哈
十九少	2004 年 1月 27 日 - 下午 09 時 40 分痴老d : o的土鯪, 條條都 "担頭" o架喇....... 你有冇搞錯呀??????
釣人	2004 年 1月 28 日 - 下午 12 時 22 分 hello~~各位新年快樂好耐冇上來喇喎我星期日想香港仔出大眼雞有冇高手指點出邊度中好野機會高先射射
領航燈	2004 年 1月 28 日 - 下午 08 時 02 分釣人...HELLO.(又想找大紅狗呀...) 去赤柱雷達站離岸一百尺,,好運有紅班,大狗. OR 去南丫發電廠啦.
冷水王	2004 年 1月 28 日 - 下午 11 時 06 分唔係我撥冷水,今年紅狗公都唔駛慌叻左去邊。
釣人	2004 年 1月 30 日 - 上午 09 時 51 分哈~~燈哥又冇話一定要拉大狗既,出去遊下船河搵d手作仔玩下咁啦香港仔有冇相熟大眼雞介紹下呀(熟排口) 射射
領航燈	2004 年 1月 30 日 - 下午 11 時 01 分釣人; 見係你就打只牌你上,大眼雞[橡根叔] 94524924 佢好知排,但對客好靜又唔多轉排... 有魚call我啦[你的狗友]...
釣人	2004 年 2月 2 日 - 下午 12 時 09 分燈.....嗚.....好靜呀.... 星期日由螺洲掃到香港仔都冇二斤狗公慘呀....... 怕怕
小貓爺	2004 年 2月 2 日 - 下午 11 時 23 分小弟想問官塘除o左碼頭! 仲有邊到有魚釣呀? 我o向官塘公眾碼頭見到人上到條3~4斤重既盧魚呀! 我係初學者!想學用竿釣魚!有無人教我呀?
Xxx	2004 年 2月 2 日 - 下午 11 時 55 分小貓爺: 官塘沿岸污染嚴重,釣上黎玩下就算,不要進食....... 尤其是公眾碼頭,那裡接聯裝御區,海水是黑色的.... 比較近官塘又無咁污糟的釣點,可以去舊機場、鯉魚門等至於用竿釣魚,我也是初學者,只懂皮毛,有機會大家交流一下.....
領航燈	2004 年 2月 11 日 - 下午 10 時 24 分小猫爺; 西貢有好多釣點,eg. 烈士碑園,外展學校旁,西貢水警碳頭,科技大學,白沙灣碼頭啦. 南圍,旱禾坑康樂水警碼頭,東霸..等等. 現在水凍,要擇一些深水釣點才有少少漁訊. 提議你出艇釣較有收穫.
小貓爺	2004 年 2月 12 日 - 上午 12 時 50 分小弟有一問題好想問好耐! 到底應該潮漲多魚D! 定係潮退多魚D呢? 仲有多謝各方英雄回答小弟o既問題! 我深信呢到可以學到好多野!
新手	2004 年 2月 12 日 - 下午 12 時 52 分唔係喎,我尋日見到東涌機場一帶很多[基]佬埋頭苦幹,磯釣chance唔係大的咩!
領航燈	2004 年 2月 12 日 - 下午 11 時 15 分小猫哥; 魚開口是有時間性但不是絕對,半夜都有人落seven吃. 以大多數人經驗得出漲7退3是釣到魚較好時段. 漲7退3 當水退最盡時,反漲7成開始至最漲,再水退至3成. 新手; 釣魚chance好難定,要好多因數夾一齊先釣爆箱. 咁你中意釣一兩條幾斤或幾十條手掌大呢,亦不易答.
白果小貓爺	2004 年 2月 13 日 - 上午 02 時 25 分唔該晒領航燈! 小弟今日到o左西貢泳池對開釣魚!有好多魚但上唔到! 白果收場!>.<"時間:6pm~10.30pm 餌有紅虫!生蝦!蝦肉!因為去到死0左唔小! 我仲有想問沉底算唔算係磯釣呢? 因為我唔識得D釣法!
hei	2004 年 2月 14 日 - 下午 10 時 19 分請問呢排邊度o既魚排有景?仲有可唔可以推介埋邊個排. thx
KURISU	2004 年 2月 18 日 - 下午 10 時 27 分前幾日諗住去釣魚書介紹的嘉龍村石博,下了小巴雖然見到石堆及一個燈塔,但找了很久都找不到路落去,沿路一帶都只是地盤工地, 塵土飛揚, 四處都是重型機械, 有好強烈既壓迫感!! 結果唯有改到大欖角. 可能因日水大太陽關係, 投釣用生蝦都完全無魚訊, 食白果. 請問各位嘉龍村石博是否已經去不到了? 另外又有冇人最近在大欖角,在什麼條件下中魚?
bat	2004 年 2月 19 日 - 上午 10 時 44 分前兩日入馬灣見到青馬底好多隻船(廿幾三十隻)係度釣wo!!!!係咪有咩料到ar!??
露眉	2004 年 2月 19 日 - 上午 10 時 53 分釣馬友呀,日日有十幾條上水,3,4斤至20斤, 用生魷魚仔最得食,炒到$20隻,我老友志剛昨日中條4斤幾。
釣人	2004 年 2月 25 日 - 下午 01 時 24 分 calling calling 有冇人知科大燒烤爐對出十零尺有幾水深釣棚應該set幾多好呢射射
樂仔	2004 年 2月 25 日 - 下午 02 時 04 分你如果拖假餌係0-2m，鱸魚會追上黎食，大概0.8m-1m食埋黎架！你如果投釣就唔使咁大粒鉛，0.5m帶腳，但您唔會投十幾尺咁近掛！你如果浮遊磯釣就要睇潮夕漲退、水溫、流速而定，試下釣3.5m先啦。
鄧	2004 年 2月 25 日 - 下午 08 時 27 分樂仔兄, 科大有鱸魚咩?
Darby	2004 年 2月 29 日 - 下午 04 時 03 分請問係機場維修站和機場(沙螺灣對面)泊車上行人路有無人抄牌架? 白芒石提可唔可以釣? 好想去釣魚... 我係初哥, 呢度有無人釣魚可以預埋我呀?
Weever	2004 年 3月 1 日 - 下午 12 時 58 分 Darby, 唔只抄牌, 會拖車
9588	2004 年 3月 1 日 - 下午 11 時 11 分打比: 唔會抄牌, 直接拖走
星星大法師	2004 年 3月 7 日 - 下午 09 時 11 分 http://www.ho-2.com/
星星大法師	2004 年 3月 7 日 - 下午 09 時 11 分大家千其唔好笑呀.....
SIM	2004 年 3月 8 日 - 下午 10 時 23 分請問有冇人知道大澳門嘅釣點？今日我沿着樹木研習徑往下行，兜咗一個圈都揾唔到條路落海邊，只喺見到兩條支路向下伸延，大約行咗兩分鐘，己經無路可行，因為前面喺一處幾佰呎嘅懸崖，見到腳仔都輭，於是返轉頭揸車去大廟試釣。今日又大浪又大風，自己一條魚都冇，但喺有個釣友連上兩條兩斤星鱸，聽講喺星期六放生嘅魚。
Fisher	2004 年 3月 14 日 - 下午 11 時 28 分 I hear that West Harbour Tunnel lots of fish. Now is there still big fish?
領航燈	2004 年 3月 15 日 - 上午 02 時 52 分 Fisher; 這是一個沒必然答案之問題,大魚成海都係,.... 你想去那處釣.按釣友傳聞,祗可提議你擇慢流夜晚較有大魚.
kent	2004 年 3月 16 日 - 下午 06 時 53 分請問各位大大 , 有冇相熟船家電話 ?? 想由三家村去蒲台島 , 大概 5-6 人 , 幾錢左右 ?? 麻煩晒 , Thanks!
德仔	2004 年 3月 17 日 - 上午 01 時 49 分今日去左流浮山入面d釣魚場, 雖然冇攞魚走, 但係都算幾好玩, 初嘗幼線釣大魚(對我黎講兩三斤以經好大)既知味, 真係好刺激, 可惜冇帶dc去影相, 睇黎下次放假都要去多轉.
釣淫	2004 年 3月 17 日 - 下午 01 時 33 分 OVER OVER 東涌橋底近排有冇景射射
阿露	2004 年 3月 17 日 - 下午 01 時 54 分你係釣人?????Hello,你知唔知我係邊個???
釣淫	2004 年 3月 22 日 - 下午 01 時 37 分呵~~~你咪係露微....你姓李嫁麻....點會唔知呀..... 臭蟹微.......哈~~~~~
阿露	2004 年 3月 22 日 - 下午 02 時 13 分
釣淫	2004 年 3月 22 日 - 下午 02 時 44 分呵依排去邊度釣多呀老微
阿露	2004 年 3月 22 日 - 下午 03 時 01 分大眼雞汀九底昨去了馬灣
釣淫	2004 年 3月 22 日 - 下午 03 時 03 分係? 西貢? 人力艇仔? 馬灣有冇景?
阿露	2004 年 3月 22 日 - 下午 11 時 48 分維港大眼雞=平$160連餌汀九橋底(青衣) 投釣+近馬灣昨冇料,得d石狗,靜流位多水草多雜魚仔,人地一條2斤牛屎,我地冇,晚上青馬橋底多鱸魚打水,見人用紅白中條斤幾即燒黎食 happy
神仙	2004 年 3月 23 日 - 上午 12 時 18 分蟹兄,請問$160在那落艇?
阿露	2004 年 3月 23 日 - 上午 12 時 27 分神仙 5人x$160 呀
神仙	2004 年 3月 23 日 - 上午 12 時 39 分 where?
釣仁	2004 年 3月 23 日 - 上午 09 時 11 分嘩哈~~~~~~~~露兄既160走唔出西貢啦下麻
阿露	2004 年 3月 23 日 - 上午 10 時 29 分維港$600一日朝9晚5,唔包餌,坐5個. 西貢$500一日朝9晚5,唔包餌,佢話坐9個,我睇 6個就very good
釣人	2004 年 3月 23 日 - 上午 10 時 32 分 GOOD 幾時再釣維港我有性趣
阿露	2004 年 3月 23 日 - 上午 10 時 48 分我都有性趣
:	2004 年 3月 23 日 - 上午 11 時 32 分 :!
釣仁	2004 年 3月 23 日 - 上午 11 時 47 分哈~~~~~~~大家都有性趣搵日一齊群釣下啦
Road	2004 年 3月 23 日 - 下午 12 時 29 分 good idea
小強	2004 年 3月 23 日 - 下午 02 時 40 分請問前輩們: 下星約三五良朋座大飛去南海油田吾知幾錢位因三條友是新丁,請大家教路
9588	2004 年 3月 23 日 - 下午 06 時 28 分 $1400 / 位
9588	2004 年 3月 23 日 - 下午 06 時 30 分噢! 大飛? ..... $1800 比我就唔去
神仙	2004 年 3月 23 日 - 下午 11 時 12 分露兄, 可否告知$160x5在那落艇?
阿露	2004 年 3月 23 日 - 下午 11 時 31 分神仙隨得你,官塘,鯉魚門,TST,香港仔度度都得
阿露	2004 年 3月 23 日 - 下午 11 時 41 分如要艇家電話問崩牙ken啦,佢有呀西貢問我
湯咪	2004 年 3月 24 日 - 上午 10 時 18 分我想問下近排西貢,新界區有冇d步兵釣點有斤頭立釣呀? 好耐都未釣過魚,今個星期六上午有時間想釣下早水.
崩牙ken	2004 年 3月 24 日 - 上午 10 時 24 分湯咪：我有家坊話呢幾日西環"蕉傷局"都有立魚釣！
蛙人	2004 年 3月 24 日 - 下午 12 時 35 分湯米邊度有,我都想知~~ 邊度冇,我就知啦~~我去開0個度唔使去哪... 嘿嘿!!
湯咪	2004 年 3月 24 日 - 下午 02 時 12 分蛙人, 咁呀，可能去試下西貢d新位,因為我未去過西貢攪磯,所以每個都係新位,哈哈.. 有冇好提意呀?
湯咪	2004 年 3月 24 日 - 下午 02 時 21 分崩牙ken, 我都未去過"蕉傷局"釣魚,遲下有多d時間先去去果度玩前打.
蛙人	2004 年 3月 24 日 - 下午 02 時 34 分湯米有冇諗過大尾篤篤,大霸呀?? 我都想試下~哈哈可惜我長週週丫~~唉!
湯咪	2004 年 3月 24 日 - 下午 02 時 38 分蛙人, 大尾篤篤大霸,我有興趣呀,我之前都好想去試下, 不過得半日去到都冇乜時間釣.
蛙人	2004 年 3月 24 日 - 下午 02 時 47 分湯米咁就搵日全日得閒至去試啦 but 好似要釣晨雞呀~&要釣遠投腳邊d水夠洗腳咋~~哈哈~~
湯咪	2004 年 3月 24 日 - 下午 02 時 55 分蛙人, 遲下去試,叫埋你呀. 不過坐巴士就釣唔倒晨雞,一定要有車或坐的士.
蛙人	2004 年 3月 24 日 - 下午 04 時 32 分湯米~ 咁就唔釣晨雞,試早水啦~ ^^
SIM	2004 年 3月 24 日 - 下午 11 時 40 分請問各位大佬有冇人知，由屯門龍鼓灘可唔可以揸車入流浮山下白泥？
星星大法師	2004 年 3月 25 日 - 上午 01 時 05 分而家一定唔得~~€
花尾躉	2004 年 3月 25 日 - 下午 08 時 19 分致：星星大法師乜以前得口架？
星星大法師	2004 年 3月 25 日 - 下午 08 時 26 分花尾躉 : 我有計...以前入過去一次..... 不過都係入湖釣.... 不過就唔知去唔去到流浮山....
技安	2004 年 3月 25 日 - 下午 09 時 01 分星星.花尾十一,二年以前一定得,我都試過駕車入到,而家聽講都係話唔得.
技安	2004 年 3月 25 日 - 下午 09 時 06 分以前入龍鼓灘條路係爛地o黎o架,邊有而家咁靚o丫
星星大法師	2004 年 3月 25 日 - 下午 09 時 34 分技安: 你係入湖定係白泥呀.... 係呀....以前係舊廠都有好多魚.... 而家...唉...都有成年冇入去睇過lu~~~
花尾躉	2004 年 3月 26 日 - 上午 12 時 21 分致：星星大法師及技安以前龍鼓灘條路都係到BBC個發射台就斷左，入到BBC個發射台就去到流浮山。
星星大法師	2004 年 3月 26 日 - 上午 12 時 23 分花尾躉: 你講幾多年前呀??? 我都唔知有個咁既台...哈~~~~
Henry	2004 年 3月 26 日 - 上午 12 時 33 分幾個月前係白泥鴨仔坑釣魚場問過老細話做緊工程落左鐵閘過唔到!
花尾躉	2004 年 3月 26 日 - 下午 09 時 47 分致：星星大法師大約八五或八六年間是有發射站在下白泥近現在煤灰湖。但我知九七以前已經拆左。
星星大法師	2004 年 3月 26 日 - 下午 09 時 52 分花尾躉:: 嘩....乜真係咁耐架... 我一定唔知啦~~~~ 講下講下.... 搵日都係要入去玩下先得~
Ryan	2004 年 3月 29 日 - 下午 02 時 40 分請問邊個咸水塘有得BBQ呀???
釣人	2004 年 3月 29 日 - 下午 03 時 51 分喂.......兄弟香港依家有邊個排上到去又可以燒野食又可以劈酒又可以"吊"通頂又可以訓通頂嫁射